تحويل الفيديو إلى صورة متحركه

[zerocools]

بسم الله الرحمن الرحيم
السلام عليكم ورحمة الله
يسعد صبآحكم والمساء

ان شاء الله
تكون صحتكم تمام وصيامكم مقبول
هالموضوع للي يحب يحول مقاطع الفيديو لصورة متحركهـ
الموضوع عجبني فنقلته للافاده
ان شاء الله يفيدكم
^^
ندش بالموضوع

رآح أذكر كم طريقة والبرامج اللي نحتاجها مع شرح ماهو تفصيلي لكن توضيحي بما يكفي

الطريقة الأولى بالبرامج اللي تسوي تحويل مباشر
مثل برنامج
video to gif jpeg converter
وهذي هي أيقونته

شرح ع السريع لطريقة أستخدامه في التحويل

من هنا نختار الفلم
نحدد المقطع
نضغط لبدء تحويل الفريمات
في هالمكان تظهر الفريمات
ضلل الفريم اللي ماتبيه وأضغط ع هالزر عشان يحذفه
لتحديد الثوآني
لتحديدعدد الفريمات
جماليات مثل الدقه والسرعه وحذف الهوآمش
للمشاهده
للحفظ
نتيجهـ

برنامج ثآني مثل الأول بس شرير
من أول تنزيل مايعطيك فرصه تجربه دون مايحط الحقوق مالته
ودور يامدور له سريال
< للحين مب محصلهـ
أسم البرنامج
Video Avatar
وهذي أيقونتهـ

ع السريع شرح توضيحي لهـ

نفتح الفيلم
نحدد بالسحب من وين إلى وين
نحرك المربعات لو نبي نلغي شي ع الهوآمش
نحدد الطول و العرض
من هنا نسوي حفظ
للمعلومية الزر جنبها يلقط لك صورة وحده
نتيجهـ

برنامج ثالث نفس اللي قبل
وهم بعد يحط الحقوق وبالأحمر بعد
أسمهـ
Video to GIF
هذي ايقونتهـ

وشرح لهـ

نختار الفيلم ( المقطع)
نحدد بالسحب مكان بداية المقطع اللي نبيهـ
نضغط ع تحويل

يطلع لك بوكس يخيرك في مكان الحفظ والأفضل تختار أنت
تحديد مكان الحفظ
نضغط ع run عشان يبداء التحويل
هالبرنامج عاد كآشخ وحاط تآثيرآت

نتيجتهـ

البرامج اللي فوق كلها أكتفيت أحط لكم أسمها بحكم أنه منتدى تصاميم أوب منتدى برامج
وبعد أكتفيت أشرح جزئية التحويل فيهـ
من مكان ماراح تحملونه أكيد بتحصلون طريقة التستيب وأبحثوا عن سريال أو اشتروها
وأكيد للبرامج مميزات أكثر بس محتاجهـ وقت وتجربهـ
والأكيد أكو برامج غيرها
بس حبيت أحط الي جربتهـ

يتبع

[zerocools]

الطريقة الأولى اسواء مافيها صعوبة التعديلآت عليها
إذا بتضيف حقوق أو تاثير أو تغيير
لآزم ترد تفتحها في الأمج ريدي كصورة متحركهـ
الطريقة الثآنيه تعتمد إعتماد كلي ع الأمج ريدي
بس مرتبطه ببرنامج ثآني
وللعلم هذي أفضل طريقة عندي وأستخدمها دوم

الفكرة الأساسيه للطريقة الثانيه تقوم ع اساس ان برنامج يحفظ الفيلم ع شكل فريمات و نفتحها في الأمج ونرتبها
ندش بالشرح
مثلاً برنامج GOM < أحووب هالبرنامج لو أسوي للجهاز فورمات أنزله قبل الفوتو بزات نفسوا

وهذي ايقونتهـ

وهم بعد اشرح لكم طريقة أستخدامهـ
تعال ع الفديو إللي تبي تحولهـ وكلك يمين فتح باستخدام
وأختار برنامج الـ GOM

هذي صورة للوآجههـ

أضغط ع الزر اللي بالنص
يطلع لك هالبوكس

أضغط ع الأختيار الموضح
بيطلع لك بوكس ثاني

وقف المشغل حق الـ Gom عند بداية المقطع اللي تبيه وسوي إعداداتك قبل تصور الفريمات
تابع معي
المحدد بالأحمر مجلد الأخراج إذا البرنامج جديد عندك راح يكون مجلد الأخراج موجود بالمستندات
إذا مب عاجبك تقدر تغير
تغيير مجلد الأخراج
فتح مجلد الأخراج
لآتنسى تحدد عدد الفريمات بـ 999
بعدها أضغط عشان تلتقط الصور

الحين لو تسوي فتح لملف الأخراج تلآقي الفديو صار فريمات وآجدآآت :biggrin3:

بكذا نقدر ننتقل لبرنامج الأمج ريدي
قبل أنتقل بشرح لكم برنامج ثآني يسوي نفس سوآة الـGom بس اللي محيرني فيه ما اقدر احدد من وين لوين
يعني يحول لي الفلم كله فريمات
حلو شغله لو الفلم قصير
بس لو طويل مشكلهـ
أسمهـ
#1 Video Converter
وهذي ايقونتهـ

وشرح ع السريع

اضغط ع الأيقونة المحدده بالأحمر
راح يطلع لك بوكس

في الفراغ الأول أختر الفلم
في الثاني أختر مكان الحفظ
وبعدين أضغط ع الزر عشان يبداء التحويل
أنتظر ع ماينتهي ع حسب طول المقطع
الحين في مكان ما اخترت يكون ملف أخراج راح تحصلها صارت فريمات

ألحين ننتقل برنامج الأمج ريدي ونستخدم اي واحد من مجلدات الأخراج سواء كان الـ Gom أو الـ Video Converter
برنامج الأمج ريدي هو برنامج يتعامل مع الصور المتحركه تابع لبرنامج الفوتوشوب
وهذي أيقونتهـ

>>

في البرنامج
نتبع الصور

راح يظهر لنا بوكس نحدد منهـ الملف تبع الأخراج
وراح يجيب البرنامج الفريمات كلها

بس إذا وصلنا هنا وصلنا خير
نتعامل معها مثل إي صور متحركه في الفوتو قص، كتابه ،حذف ، زيادة وقت
ولو لآحظتوا أن فيه فريمات زايده يعني تكون نفس الصورة متكرره أحذفوها(السبب فيها أن سرعة الالتقاط اكثر من حركة الفلم )
منها يمشي المقطع صح ومنها يقل الحجم
وهذي النتيجة

بكذا أنتهينا من الطريقة الثانيهـ

[zerocools]

الطريقة الثالثه
ببرنامج الفوتو نفسهـ
خصوصاً الأصدارات الأخيره اللي أندمج فيها الأمج وياهـ

هالأصدار التحويل منهـ وفيهـ
عشان نجيب الفيلم نختار

يطلع لنا بوكس بملفاتنا عشان نحدد مكان الفيلم
بعد مانختارهـ
يظهر هالبوكس

خلي الأختيارات مثل ماهي
وبالضغط ع OK يبداء البرنامج بالتحويل
ويفك لك الفيلم ع شكل فريمات

مثل ماذكرت التعامل معها مثل اي صورة متحركة
حدد الفريم الأول وسوي التعديلآت
قص ، حذف ، إضافة حقوق .. احذف الفريمات المتشابهـ أخف للصورة
وبعدين أحفظ

لو شريط الحركة ماظهر عندك من قائمة

تقدر تظهرهـ

النتيجهـ


هذي الطريقة الثالثه أكيد مبينه اسهلهم وايسرهم
بس تعالوا جربوها
تحسون قصيت عليكم :biggrin3:
ليه؟!
لآن الفوتو مايحول الفيلم إلا لو كان قصير وصيغه يدعمها بعد
ولآن غالبا تحويلاتنا من مقاطع طويله فبكذا مانستفيد وإذا جينا بنحول مقطع طويل يظهر هالبوكس

ومانستفيد لو فكرنا نجرب متابعه لآنه يفك كل الفريمات بلون أبيض
طيب والحل

أكيد ماكو مشكلهـ غير ولها حل
الحل نقص المقطع اللي نبيه
ببرنامج موجود ع غالبية الأجهزه
‎movie maker
رآح اسوي شرح سريع للي أول مره يجرب البرنامج
بشرح بس نقطة التقطيع
بدآية هذي أيقونة البرنامج

نستورد الفيديو

نسحبه

نضغط ع زر التشغيل وإذا وصل المؤشر المكان اللي نبيه كبداية نضغط زر الإيقاف
وبعدين نروح لم

ومن نفسه راح يحذف الجزئيه اللي قبل المؤشر كلها
ونكمل نشغل الفيديو ونوقف إذا وصلنا نهاية المقطع اللي نبيه
ونروح لم

هم بعد من نفسه راح يحذف الجزئيه اللي بعد المؤشر كلها
بكذا تمام
باقي نحفظ شغلنا
أتبع الخطوات ع التوالي





الحين أنت قصيت المقطع وخليته مآآآآره قصير
تروح للفوتو تبي تحوله بيقول لك معصي ونو وي
طيب ليه ؟!
لآن الصيغهـ مايدعمها الفوتو
والحل في ذي بعد
رددوا معي يالليل ما اطولك :biggrin3:
الحل هم بعد بسيط
برامج التحويل كثييييره
أنا استخدم واحد منها خفيف وسهل و بحط له شرح
وهم بعد ع السريع
أسمهـ
Format Factory
أيقونتهـ

الصور تشرح نفسها

،

،

،

،

وبس بكذا تقدر تحول المقطع في الفوتوشوب الأصدارات الأخيرهـ

[zerocools]

الطريقة الرابعه والأخيرهـ
أنا ما أحبذها
وحتى أنتم أظن ماتحبذونها
لكن مثل مايقال آخر العلاج الكيـ
يعني إذا مالك باللويهـ اللي فوق كلها
وعندك مقطع تبي تحولهـ
أحوله لك
بس بشروط
أولاً تجيب الفديو وتحدد المقطع اللي تبيه منه بالضبط
ثانيا يكون مقطع زين ومافيه حريم
ثالثا الحفظ عندي ولوجود خلل في االفوتو يطلع منقط شوي إذا راضي تمام نكمل
رابعا راح احط بس ووتر مارك يعني تطمن
إذا حلو .. حلو
ويسعدني أساعد
إذا نو
ترا انا المرتاحهـ
:

وهذا كم مقطع اجرب وانا اشرح

(عاجبتني الألوان )

( أحلى شي تحقيق الحلم )

( وأصعب شي ضياعه )

( أروح ملح عند إبتسامة ايلي)

( ياقلبو)

( لين متى :biggrin3

الموضوع كله صور ومتحركه
عطوهـ فرصهـ يطلع
دعوآتكم لي
ومثل ماذكرت لكم الموضوع إجتهاد يعني مايخلو من الأخطاء والنقص
شرح Resa
وأتمنى بجد يعجبكم الموضوع