تقييم ps3 move

[zerocools]

السلام عليكم :.




اخيراً ارامكس تكرمو وعطوني فطعة بلاي ستيشن موف الي كنت طالبها قبل لاتنزل بالاسواق من امازون وامازون ماقصرو يوم 20/9/2010 وصلوها حق البوكس بامريكا و ارامكس وصلوها الكويت يوم 22 وتمت محجوزة عند ارامكس بدون ما يخلصون المعاملة بالجمارك فترة طويلة ويوم 3/10/2010 يالله خلصوها ورحت استلمتها بنفسي لان قالو يبيلها يوم او يومين يالله يوصلونها وبصراحة ارامكس اتعس شركة توصبل تعاملت معاهم بحياتي ولا عندهم مصداقية و كل الزياين الي كانو قاعدين عندهم يبون يستلمون شحناتهم كانو يقولون نفس الشي و قاعد يفكرون يلاقون بديل المهم ابتعدنا عن موضوعنا لان السالفة تقهر انا المفروض يكون الجهاز عندي قبل كل الناس بالكويت لان طالبة من زمان و اخرها وصل الكويت و باعوه بحولي و الغانم و لا ارخص من الي عندي لان الي ينباع عندهم اروبي وانا طالبه امريكي يعني اغلى ب 6 دنانير تقريباً بس دايم محبين البلاي ستيشن نفضل الاجهزة و السيديات الامريكية على الاروبية لجودة الاجهزة الي تتصنع لهم و سرعة الالعاب الاون لاين بسبب سيرفراتهم وطبعاً انا قاعد اقول هل كلام من القهر لان دافع زيادة بس كحقيقة انا البلاي ستيشن نفسه دفعت تقريباً 20 دينار زيادة علشان اشترية امريكي وفضلته على الاروبي الارخص
نبدأ التقييم : الصورة الي بالموضوع هذي حق القطعة نفس ماوصلتني يعني يحتوي هل باكيج الامريكي على قطعة الموف وكاميرا و سيدي لعبة Sports Champions و سيدي العاب ديمو لازم تختارهم وحده وحده وتنزلهم على الجهاز وبعدين تقدر تلعب
المهم بعد ماتركب الكاميرا فوق او تحت الشاشة وبالوسط وتشغل العبة اهني اول مشكلة تواجهها , شلون تثبت الكاميرا لان لو تبي تثبتها فوق الشاشة ماراح تثبت على شاشات ال سي دي ولو تحت الشاشة راح الكيبل يحرك الكاميرا لان اثقل من الكاميرا نفسها يعني سوني كان لازم يسون قاعدة الكاميرا نفس الكاميرا الي راح ارفق لكم صورتها الي تتثبت فوق الشاشة و لو كانت تحت الشاشة لازم مايحركها الكيبل بهل سهولة المهم حتى لو تلاحظون بموقع امازون يبيعون قطعة تركبها على الكاميرا علشان تثبتلك اياها فوق الشاشة , ادري راح تقولون مامداه جربها و على طول انتقد بس هذه الواقع لازم نقوله
في وايد ناس كتبو وقارنو هل قطعة بالنايتندو ويي وبصراحة حرام المقارنة لعدة اسباب و اولها الويي صارلها سنين صانعينها يعني لو كان تصنعينها حالياً بنفس وقت الموف كان قدرنا نقارن و ثاني شي قوة الجرافيك بالويي واييد اقل من البلاي ستيشن و اهم اكثر شغلة الي مانقدر نقارنها اهي التركيز لان الموف فيها تركيز مو طبيعي و مو موجود هل شي بالويي مثلاً لما تلعب تنس راح تلاقي بالويي بس حرك ايدك شوي تقدر تتعلم و ترجع الكرات و تفوز بس الموف لا لازم تكون حركتك صحيحة بنسبة كبيرة يالله تقدر تكمل اللعبة وتستوعب كل حركة مهما كانت بسيطة
العاب الي جربتها حق الموف بصراحة تنفع حق كل الاعمار وفيها مراحل صعبه وتحس انك قاعد تنافس وتحب تكمل بس الويي انا جربتها بصراحة اول دقيتين تستانس بعدين يضييق خلقك لان العاب وايد طفولية وانا قلت حرام نقارن الويي بالموف لان فرق العمر 4 سنين تقريباً ولو الويي نزلو شغلة يديدة بهل فترة راح نقدر نقارن بس 4 سنين بعالم التكنولوجيا فترة كبيرة
في سؤال ادري الكل يبي يسئلة ان الدائرة الي فوق الي لونها ابيض شنو سالفتها هل تغيير الوان ,,, اي تغيير الوان
الجهاز جميل جداً بس الي يعيبة اسعار اللعاب الي تدرون دايم بين 13 و 25 و الي ممل باللعب كل ماتبي تلعب تقعد تعيد تركيز القطعة على الكاميرا يعني يطلب منك تنزل ايدك و ترفعها و الزين بالموضوع ان يسئلك تبي ايدك اليمين و لا اليسار وعلى فكرة ماتحتاج قطعتين موف علشان تقدر تلعب يعني اهو يسئلك عندك وحده ولا ثنتين , طبعاً الي عنده ثنتين خير و بركة واظن كافي الشرح هل كثر



هااه لسووع شو تقصد
ماتحب الالعاب الطفوليه حلوه بكا1
يله مبروك عليك ^^
هيهيهيه وعقبالي >>انقلعي

المصدر :^_^
مدونه ماي براذر ( لسوع قلم )

[Scatter Dream]

انا من زمان اسمع ان ارامكس مو زينين..
المهم ..القطع اللي اشتراها الشخص ذا مررررة حلوة..

تسلمي زيكو ع النقل ^^

[zerocools]

ههه يسلمو فلبو^_~

[الوردة]

شكلها لعبة حلوة
ثااانكس زيكو علي الموضوع.

[zerocools]

العفو منوره^()^

[لانـسر لـورد]

اممممم زيكو راح اسئلك هل من الممكن ان الموف يخرب لو استعملته بشكل دايم؟يعني 24 ساعة العبه هلي يأثر ولا لا؟
+ابي منك افضل العاب للموف يعني لعبة رياضية او لعبة رقص وحدة من هاذولا اذا تعرفين قولي لنا
وشكرا على الموضوع^__^

[zerocools]

لانسر لا ما راح يخرب اهم شي ماترميه بالارض وتصدمه
^()^.. =)
الالعاب جم لعبه حاطنه عليه مو وايد
وتاريخ صدووورها^^

مثل

SOCOM 4: U.S. Navy SEALs – خريف 2010
EyePet™ – Sept. 2010
Kung Fu Rider™ – Sept. 2010
Sports Champions – Sept. 2010
Start The Party!™ – Sept. 2010
echochrome ii – Sept. 2010
Tumble – Sept. 2010
Hustle Kings – Oct. 2010
The Fight: Lights Out™ – Oct. 2010
The Shoot™ – Oct. 2010
TV Superstars™ – Oct. 2010
High Velocity Bowling – Oct. 2010
PAIN – Oct. 2010
Heavy Rain® – Oct. 2010
SingStar® Dance – Nov. 2010
Little Big Planet™ 2 – Nov. 2010
Sly Collection – Nov. 2010
Heroes On The Move -تحت التطوير -2011
Killzone®3 – 2011
Sorcery – 2011
John Daly’s ProStroke Golf – OG International – خريف 2010
Racquet Sports – Ubisoft – خريف 2010
The Lord of the Rings: Aragorn’s Quest – WB Games Inc. – Sept. 2010
Brunswick® Pro Bowling – Crave – Sept. 2010
Resident EviL®5 Gold Edition – Capcom – Sept. 2010
RUSE – Ubisoft – Sept. 2010
Tiger Woods PGA Tour 2010 – Electronic Arts – Sept. 2010
Time Crisis: Razing Storm – Bandai Namco – Sept. 2010
Toy Story 3 – Disney – Sept. 2010
Kung Fu Live – Virtual Air Guitar Company – Oct. 2010
NBA 2K®11 – 2K Sports – Oct. 2010
Deadliest Catch: Sea of Chaos – Crave – Nov. 2010
Disney Tron Evolution the Video Game – Disney – Nov. 2010

[SpardaSama]

مبروووووك ^.^
لوول النتندو قويه في العابها والسوني قويه في الهارد وير ومايكروسفت قويه بالسوفت وير xD
ان شالله تتمتعي فيها خاصتا للعبه رزتدنت ايفل جولد اديشن واو @.@
لاتخلي الزمبي ياكلك زي البسكوت ^.^ لول
ماتنيه