بأسطر متردده.....

[dody]

الاسم: دودي....
العمر: 17 سنه....
الالوان المفضله: الاسود والاحمر والوردي و الازرق....
الاكله المفضله: تبوله -وورق العنب...يم يم المحشي يابوووي...
الهوايات:قراءة الكتب والقصص والاشعار-مشاهدة الكرتووون-تأليف الخواطر.....

[dody]

سلبياتي: متهوره وايد - وفي شي فيني دايما يخسرني اشياء وايد ويحرمني من اشياء كنت اتمناها .....مو كل خجل يعتبر حلو خجلي يعتبر مشكله بالنسبالي -وساعات بحالات الغضب اقول كلام انا ماقصده يعني انفعل بسرعه وهالشي خسرني اشخاص عزيزين على قلبي...

[dody]

الاشياء اللي تظايقني بالناس: الجذب - المصلحه -الخيانه - الكلمه المهزوزه -التبلي على الواحد - التكبروالغرور وبس
الاشياء اللي احبها انها تكون بالناس:التسامح - الوفا - طيبة القلب - وان الواحد مايكون بوويهين ....اممم واكيد الاشياء الزينه الباجيه

[dody]

معلومات بيتيه مختصره:
انا اصغر خواتي ...
عندي اختين متزوجين
و4 اخوان متزوجين الا واحد وهوالاكبر
انا دلوعة امي...
ابوي الله يرحمه متوفي
ممممم بس هذا كافي............

[dody]

امممم المغنيين اللي احب اسمعلهم: الخشاب - المطرف - وفرقة الاخوه وميامي وراشد الماجد.......

[dody]

لوووووول ....اتمنى اني قلت كل شي عني بأختصار

يالله سلام ....

[dody]

اممممم راح اقول من يومياتي بس 3 اللي اهمه :
يوم في البيت ....
يوم في المدرسه....
يوم بره البيت والمدرسه....

[dody]

يوم في البيت :
دايما انا اقعد بروحي بالبيت لمن يكون الكل طالع احس اني المصيطره على البيت هههههه وناسه هالشعور ترى
المهم ولا عمري اكون خايفه لمن اقعد بالبيت بالعكس اكون مستااااانسه
وكان الكل يقولي شنو انتي ينيه ...بس تقعدين بالبيت ماتخافين
فيوم من الايام اخواني سوو فيني مغلب عشان يكرهوني بقعدة البيت :
كان علي امتحان قران وكنت احفظ
وماكان في ولا احد بالبيت الا الخدامه وكانت نايمه
فجأه اسمع صوت طق طقة باب
قلت أكيد عيال الفريج يايين يلعبون مع عيال اختي
فعطيت الموضوع طاف لاني اصلا ماحبهم واي حدهم مزعجين
المهم بعدها بدقيقه سمعت صوت قلاس يتكسر بالمطبخ...
منيه خفت لانه قلت مافي غيري وغير الخدامه والخدامه نايمه وانا بغرفتي فوق قاعده ادرس ومو معقوله يعني انه اليهال داشين البيت
فنزلت عشان اشوف منو هاي...
كان ليت المطبخ وانا انزل امبطل توني توني يايه ادش جان يتسكر
بعدها ظليت واقفه جدام الباب لاني خفت شوي
تبطل الليت ولقيت جدامي داخل المطبخ حرمه لابسه عباية راس وبوشيه
وعقب ماشفتها وصارخت جان ينطفي الليت مره ثانيه
جان أوخر واروح فوق غرفتي واقفل الباب
وانا بغرفتي وعلى فراشي وقاعده ابجي سمعت احد يضحك علي داخل الحمام
انا غرفتي نظام شقه يعني الحمام موجود فيها
المهم منيه قعدت ابجي وابجي قاعده اتعوذ من الشيطان
جان اسمع طقطقه على باب الكبت من داخل وكل ماله والصوت يزيد
وانا منيه وخلاص تيبست بمكاني وحاشني تشنج بكل جسمي فماقدرت اتحرك من مكاني
وبعدين شفت باب الكبت قاعد يتبطل شوي شوي جان يغمى علي
ولمن قمت ولا الحبايب اربعة خواني اهمه اللي مسوين كل هذا وطبعا ما حاجيتهم اسبوعين ظليت زعلانه منهم
وبالاخير ليلحيني اقعد بالبيت بروحي لووووول

[dody]

يوم من المدرسه: الثانويه
طبعا انا وللاسف يقولون عني شيطانه بس انا حرام عليهم موجذي المهم...
مره كنت متأخره الصبح عن الطابور المدرسي
طبعا وكالعاده الناظره توقف جدام باب المدرسه عشان تصبح بالبنات المتأخرات بزف ومخالفات....:AnMix1 (11)::AnMix1 (11)::AnMix1 (11):
سلمت عليها وعتذرتلها عن تأخيري ....جان تزفني وتقولي يعني هذي مو أول مره
وبعدين وياج انتي متى راظيه تلتزمين بالدوام؟؟
جان اقولها وانا اضحك ابله بيني وبينج قولي الصراحه :يعني انتي ماكنتي تتأخرين عن المدرسه الصبح....يبا كل واحد له عذره وظروفه .....طبعا
انا شفت نظرتها عقب كلامي عرفت شنو راح تسوي
قالتلي يالله يالله جدامي عالاداره ....
وطلعت من الاداره وبأيدي تعهد والسبب عدم احترام الناظره
وسخافه اصلا انا ماسويت شي كنت اتغشمر وياها بس اهيه كانت مليقه وماتتفاهم
وطبعا مشى اليوم الدراسي عادي ولكن.......
انصدمت...

لمن ....

شفتها.....




الحصه الرابعه تبي تحظر عندنا الصف بحصة نموذجيه للجغرافيا.....

وانا قبل الحصه الرابعه كان علينا فرصه فكنت متأخره على الحصه بدقيقتين....
ولمن دشيت الصف جان الاقي الابله قاعده تكتب العنوان عاللوحه والبنات قاعدين بكل ادب وهدووووء ....:AnMix1 (11):وطبعا هذا مو من عوايد صفنا فستغربت عالموضوع قلت اكيد في شي صاير توني يايه ادخل الصف واقعد مكاني جان الاقي الحبيبه قاعده ورااااي....للعلم مكاني اخر وحده ....
جان تقوللي لا والله جان تأخرتي بعد ليش ييتي..
جان اقولها :انا اسفه ابله بس كنت قاعده بصف ارفيجتي سوينالها حفلة عيد ميلاد
كان ونااااسه ....وهذي من سلبياتي ايضا فيني زلة لسان مو طبيعيه بس للاشياء الموجديه.....
جان تقولي: نعم نعم نعم شنو قلتي ؟؟؟اي حفله ؟واي صف هذا؟ شنو وين قاعدين احنا؟ وقامت تطلق لسانها العليل للصراخ قوليلي الحين اي صف هذا ؟
جان اردعليها: ها؟ شنو اي صف اي راسي راسي وقمت اصارخ راسي احم احم ومثلت عليها شوي وسويت نفسي انه يغمى علي والابله بعد صدقت وطلعو اهي والناظره عشان أييبون سستر

[dody]

ولمن طلعو خذيت نفس عميق وقعدت اضحك مع رفيجاتي وزميلاتي في الصف على اللي صار وبعدين لمن يو مره ثانيه رديت لحالتي المسكينه لوووول ثم ودوني عن طبيبة المدرسه وقالت الطبيبه حق الناظره هذي الطالبه عندها هبوط
ولوووووووول اصلا انا من زمان كنت ادري بهشي فصار هذا عذري عالناظره على تأخري وعلى زلة لساني وعلى اغمائي
وبس .........................................