بأسطر متردده.....

[dody]

مدونتي حبيبتي اشتقتلج ..
ياما احترت وين افضفض ...
واتذكرج واقول لا خلاص راحت ايامها ...
بس الحمدالله انها مازالت باقيه القليل من هالايام ,,,
^____^ عيدكم مبارك ...

[dody]

رغم كل الامور التي حصلت ...
رغم كل شي المني وازعجني ,,,
لن افضفها هنا .. لقد تأخر الوقت ...
لانني كدت ان انسى ما حصل ,, لذا لن
استرجع اي شيء ضايقني في الايام الماضيه ,,,
لذا سأكتفي بقول ( لابأس على مارأيت وماشعرت ,,, فمازلت مثل ما انا لذا )
{ sabtasim}




تسجيل خروج .. ^_^

[dody]

يا الله الرحمه >___________________________<"


انا من اسبوع وانا كله طايحه مريضه مسخنه وانفلونزا وامتحان الدستور ماقدمته خذيته مؤجل ..و الامتحان اللي بعده كان انجليزي قدمته بس رجعتلي السخونه وانا بالمدرسه وماكان في وقت للتراجع .. لان اول حصتين كان الامتحان ,,, ماقدرت احل ,,, يتلي دوووخه وحرارتي كانت نار وراسي كان فيه ضغط قوي نازل علا عيني غير الصداع >___< فما قدرت احل الامتحان كانت ورقه اولى يعني التعبير والقطعه عليها اساله والترجمه ... وبالنسبه لحالتي حليت 3 اسأله من القطعه اللي انجاوب عليها وجزء صغير من الترجمه >< وبعدها طحت ع الدرج الابله كل شوي تييلي تسألني اذا ابي عصير ولا يسوولي حليب ولا شي بس كنت ارفض مابي اشرب شي >_> بعدين قبل لا تسحب الاوراق منه خذت ورقتي تصفحتها جان تقولي جان غبتي وخذيتي طبيه حرام راح عليج 40 درجه قتلها شسوي كنت متحسنه عن امس بس الصبح رجعتلي الحراره وماكنت ادري انها بتوصل ليجذي ... هذي مأساة يوم الثلاث : ______________:

اما مأساة يوم الاربعاء كان علي قرأن وعشاني من يوم الثلاث مريضه والحراره مرتفعه ماقدرت ادرس حق القران اخواني خذولي طبيه الصبح اخوي عطاني ياها وقالي خلي اخوي الثاني يوديني الطبيب عشان اهو عنده حاله الحين لانه مسعف ومسؤوله دق عليه فقلت اوك انام الحين والعصر اخلي اخوي الثاني يوديني ,,, المصيبه يوم قمت من النوم ادق ع اخوي ولا الثاني عنده تصحيح امتحانات في مدرسته مايقدر يطلع واخوي الثالث محجوز بالجيش ,,,,؟. وانا قعدت بالبيت والخدم يحطولي كمادات ورا كمادات ليمن انزلت حرارتي وداومت اليوم وبالفرصه 2 كلمت الوكيله عن مرضيه امس قتلها يصير اخلي اي دكتور يوقع عالمرضيه بس مو بتاريخ امس ...؟! جان تضحك ضحكة سخريه وتقولي طبعا مايصير ,, هذا يعنبر تزوير ,, ليش ماوقعتي ع المرضيه بنفس اليوم ؟ ماشرحت لها الوضع كله لان هالاشكال ماتستاهل ان تعطيهم ويه // بس قتلها كنت طايحه مريضه مسخنه وماعندي احد يوديني الطبيب ,, جان تقولي لو كان فيج ذرة مسؤوليه جان داومتي قدمتي الامتحان وطلعتي ترا عادي كلنا تعابى >< منيه انا عصبت ,, ماقدرت اتحكم بأعصابي وصوتي علا عليها شوي قتلها اولا : ماكنت تعبانه مثل ماتقولين / كنت مريضه انا .. ثانيا : شكو المسؤوليه بالموضوع لو كانت الحاله اللي مريت فيها امس صايره في بنتج اقسم بالله ماتخلينها اداوم وحتا لو افترضنا ماكان عندها احد يوديها الطبيب ادري بتسويلها واسطات >___< منيه انفجرت انا جان تعصب علي ولا تقولي مااااشي يلا علا صفج ماكو مؤجل روحي روحي ابيه والله العظيم حقيره من قلب صخر طلعت من الاداره وانا قاعده ابجي يعني كافي الانجليزي راح علي والحين القران ..


بس انا قلت حق يوسف اخوي يوقع المرضيه من المستشفى اللي يشتغل فيه حتى لو اهي ماقبلت في المرضيه ,,, يمكن ينفع شي الله اعلم ..



/////////


حاليا قاعده ترجع السخوونه والله تعبتني تهد الحيل وانا مو فاضيتلها ابي ادرس حق الفلسفه والمنطق شوي صعب يوم الاحد خايفه منه لاني وايد انسى واهو كله حفظ >< وراسي قام يصدع والسخونه بدت >< واي حده مو وقته الله يعين بس

[dody]

ع فكرة شكرا حبيبتي دودي..لانك حاسة بيلي حاسيتو انا و سبقتيني و بهدلتي الناس قليلة الحيا و الادب


للأسف حياتي .. ماينفع وياهم شي اولا لانهم مثل ما قال نات للاعلانات ثانيا : لانه المنتدى قد قضي عليه .. ولذلك لا احتمل رؤيته هكذا لذا سأرحل عنه للابد ... وانصح كل من منزعجين بحال المنتدى ,, لن يرجع بقائنا المنتدى كما في السابق ,,, لذا لن نستفيد شيء الا الازعاج من هذا الحال
ولهذا ( استودعكم الله الذي لا تضيع ودائعه ) واللي يبي يتواصل هذا الاسك مالي في التوقيع .. سأشتاق اليكم .. " الله يحفطكم ان شاء الله ..

[dody]

من بعد غيبه كبيره من خروجي من المنتدى ..
اكتب فيها اليوم بشكل مفاجئ بدون ما احس كتبت اسم مدونتي في الجوجل
وطلعت جدامي :يبكي: الشوق يابني ليمن عندها والله فيها ذكريات ثمينه
ماقدر انسى ان عندي مدونه نص حياتي فيها >__>" صعب
احبج مدونتي العزيزه واليوم بشكيلج قلقي وخوفي .,,

من اسبوعين وانا ادرس للامتحانات ,, والاهم اني درست مادة الفلسفه والمنطق
وخلصت المنهج واليوم قاعده اراجع اللي درسته ولا ناسيه نص المنهج
كل اللي درسته مادري وين راح , يعني اوك اذكر البعض وناسيه البعض ليش وين راح اللي درسته وحفظته ؟! انا وايد مضايقه والامتحان باجر ,, احسه راح يطلع حقير ومخي راح يصير مسكين والمعلومات تعاندني وماتطلع لمن احتاجها ><
ليش لمن الواحد يتعب ويدرس ةيضغط على نفسه وبالاخير اييب نتيجه لابأس بها !!
انا دايما جذي :مغتاظ: اشق نفسي شقتين بالدراسه وبالاخير ما اييب النتيجه اللي اتمنى اشوفها هييييه الله كريم ,, من زمان مو مشتكيه راحه ^__^ مدونتي حبيبتي :O ليش اشم ريحة زقاير بغرفتي !!!!!!!!!!!!!! >__< منو قاعد يدخن ومبطل دريشته باكا خنقني ><" لاني بعد مبطله الدريشه << ماتبي اطوف الجو *_*




أشوفج على خير يامدونتي العزيزه

[dody]

السلام عليكم ..

أعلن تبريري لعدم مقدرتي على دخول صفحة الاسك
من يومين وللأبد على ما اعتقد بسبب التالي :

قامت دولة الكويت بحجب موقع الاسك لدينا

لذلك لا استطبع الدخول فيه بعد الان .. الا ان رفع الحجب عنه !

شي محزن بصراحه .. الحين اتركوا كل المواقع وراحوا للاسك انهم يمنعونه !!!!
بمعنى الكلمه (( سخافه))


اما عن المسن .. ماراح ادخله الا بعد مايتشافى الايبود المريض وأوديه للطبيب (( للمصلح ))

وان شاء الله ان قدرت في هالفتره راح اوديه .. وان ماقدرت راح اصلحه بعد الامتحانات ..

بقالي تاريخ عقب باجر / عربي / جفرافيا / احصاء ... وانتهي واخرج من فترة وضغط الامتحات ,, عاد بعدين ادخل في فترة التوتر والقلق وحرق الاعصاب
(( احاتي الشهاده )) >__<" اللهم اجعلها خير ..

مممم بس هذا اللي كنت ابي اقوله للي فكر في نفسه وقال : بيدو او دودي وين ..؟!

همن مشتاقه حق اشخاص في الاسك ... ان شاء الله اشوفهم على خير ,, ولو ان اخر مره كلمتهم ماعتقد انهم كانوا بخير ودي لو انا الحين موجوده بالاسك على الاقل اطمن عليهم ,, بس انا الحين استبعدت رغما عني .. انقطع الاتصال بيني وبينهم ياترى شلون بوصل لهم مره 2 ............. ابي اكون هناك , ابي اطمن عليهم

اعتذر ان زعلت احد بالاسك ..

سخافه الكويت سخافه >_____________< ال الموقع محجوب ال



برب .. +_+

[dody]

باك .. واخيرا رفعوا الحجب عن الموقع من امس ^^