ماسك سريع للحصول على بشرة خالية من الحبوب

[شمس قمر]

السلام عليكم صديقاتي وأخواتي..





أحلى تحية لكل البنات الحلوات ..من حارتي ،وبلدي ،وجيران بلدي ،وجيران جيرانهم بعد
طبعا راح أدخل عالموضوع سيـــدة ،،بلا لف ولا دوران

الخلطة الي راح أكتبها لكم ..هي خلطة مساعده عشان تتخلصي من حب الشباب وأثاره والبقع السودا ..بالاضافة ان يخلي بشرتك ناعمة وطرية كثير ..

مقادير الخلطة ..سهلة كثير وبسيطة ..

1.لوز مطحون
2.بياض بيضة
3.ليمون

تاخذين اللوز وطحتيه في الخلاط لحد ما تشوفيه مطحون عالأخر ..والأفضل انك تطحني مجموعة كبيرة وتحطيه في علبة ،بحيث انك لما تحتاجي تسوي الخلطة يكون اللوز مطحون وجاهز ..المهم تاخذين مقدار من اللوز المطحون وتحطي في كوب صغير وتحطي عليه بياض بيضة وتخلطيه زين زين ..بحيث تختفي اثار بياض البيض ..لأن عن نفسي اتلوع من البيض عامة..واخر شي تعصري عليهم ليمونة وحدة على كيف كيفك ..وتحسي ان يجي مثل غليظ ومتماسك ..
وبالنهاية خذي الخلطة وحطيها بالثلاجة لحد تبرد ..

طبعا تاخذي الخلطة وتوزعيها على وجهك كله وتكثرين في مناطق الحبوب وتتركي على وجهك لمدة ساعتين ..وبعدها تغسلي وجهك بماي دافىء

النتيجة ..تحسي ان الحبوب خفت ووجهك يكون طري وناعم ..يعني شعور ولا أروع بصراحة

استمري على هذي الخلطة مرة لمدة ستة ايام..وبتحسي بفرق كبير ..وبعد هالفترة مرة في الأسبوع ..
وصف رائع للماسك و شرح فيديو كمان الان من هنا


انا جربت هالخلطة ووايد عجبتني لأن بشرتي وايد صارت طرية وناعمة ..حلو كثير بصراحة

ويـــــــــــــارب تكونوا استفدتوا ولو شوي ..
والي تجربه تطمني

تحياتي